«Մուտք կրթահամալիր» մանկավարժական ճամբար երաժշտության սեմինար պարապմունք
Ժողովրդական օպերա. «Հե՛պ, հո՛պ»
Ժողովրդական օպերա. «Հե՛պ, հո՛պ»
Հովհաննես Թումանյան. «Ամառվա գիշերը գյուղում»
Լուսընկա գիշեր, երկինքը պայծառ,
Անհամար աստղեր ցոլցոլում են վառ:
Քնած է արդեն հովտի մեջ գյուղը,
Մթնած է ու լուռ գյուղացու հյուղը:
Հոգնած գյուղական ընտանիքն ահա
Սրահում, կալում կամ կտրի վրա:
Երկնքի դիմաց գրկված են քնած,
Վերևիցն, ասես, ժպտում է Աստված:
Ազգային պար՝ «Շորոր» (գրառումը՝ Կոմիտասի)
Առավոտ
Հավը խոսեց երեք բերան.
— Էյ քնածնե՜ր, ծուղրուղո՜ւ,
Բացվեց կարմիր աղոթարան,
Ժամանակն է զարթելու:
Խավարն անցավ գիշերային,
Հեռու մեզնից ու փարատ,
Աշխարհ լցվեց լուսն ու բարին,
Լուսն ու բարին անարատ:
Բարի լուսուն
Բարի լուսուն աստղ էրևաց,
Աղոթարան դռներն ի բաց,
Բարով բացվեր լուս աղոթրան,
Լըծենք սարված, էրթանք գութան:
Արի՛, գութան, վարի՛, գութան,
Օրն եկել է, ճաշ դառել,
Առը շուռ տուր, խոփիդ ղուրբան,
Օրհնյալ է Աստված, հորովե՜լ:
Գութնի թախում՝ նմուշ-նմուշ,
Չըկեր վաստակ քանց էն անուշ,
Աշխարհի շեն վըր գութնին էր,
Գութան չէլներ, աշխարհն ի՞նչ էր:
Կը՜ռ, կը՜ռ, կըռկռան
Կռուկները հա՛ թռան,
Կռուկների թևի տակ
Եկավ գարուն մեր դռան։
Առավոտյան փչեց հով,
Արտը ծփաց, դարձավ ծով,
Արտի միջից թռավ լոր,
Թռավ, ընկավ սար ու ձոր:
Ա՜յ լորիկ, ջա՜ն, լորիկ,
Կլորիկ ու թմբլիկ: — 2 անգամ
Ցորեն եմ ցանե
կրկնակ.
Ցորեն եմ ցանե արտը, ծլե, կանաչե,
Հեռու տեղ ախպերմ ունիմ, անկաջը կանչե:
Կաքավ եմ քարի միջին, ցորեն եմ ցանե,
Ձեն կուտամ ձորի միջին, ցորեն եմ ցանե:
Հանդեն ծաղիկ քաղել եմ, ցորեն եմ ցանե,
Դաստա արել, կապել եմ, ցորեն եմ ցանե:
կրկնակ.
Ցորեն եմ ցանե արտը, ծլե, կանաչե,
Հեռու տեղ ախպերմ ունիմ, անկաջը կանչե:
Ջաղացս մանի, մանի
- Ջաղացս մանի, մանի
Չըխկ, չըխկ, հա չըխկչըխկա,
Ցորենը ալյուր անի,
Չըխկ, չըխկ, հա չըխկչըխկա:
2. Ջաղչի քարեր չըխկչըխկա,
Չըխկ, չըխկ, հա չըխկչըխկա,
Քունըս անուշ կտանի,
Չըխկ, չըխկ, հա չըխկչըխկա:
3. Աղունը փոշի, փոշի,
Չըխկ, չըխկ, հա չըխկչըխկա,
Ալրատունը կըհոսի,
Չըխկ, չըխկ, հա չըխկչըխկա:
Տատիկ զալուր կըմաղեր
Տատիկ զալուր կըմաղեր,
Տատիկ զալուր կըմաղեր,
Տատիկ զալուր կըմաղեր,
Վըր մազերուն կըշաղեր:
Տատիկ զալուր կըմաղեր,
Վըր հոնքերուն կըշաղեր:
Տատիկ զալուր կըմաղեր,
Վըր թշերուն կըշաղեր:
Գունդ անեմ
Գունդ անեմ, գունդ անեմ, գունդ անեմ,
Տապ անեմ, ալուր ցանեմ, տապ անեմ, տապ անեմ,
Գունդ բացեմ, գունդ բացեմ, գունդ քցեմ, գունդ քցեմ,
Բատատին քցեմ, թոնրին խփեմ, հաց հանեմ, հաց հանեմ:
Գունդ անեմ, գունդ անեմ, գունդ անեմ:
Էրիշտայի երգ
կրկնակ. Ելնինք էրիշտի վըրեն,
Զարգենք էրիշտի ղայդեն:
1.Ալյուր մաղեմ՝ թեփ կուգա,
Շեկլիկ աղբեր ե՞րբ կուգա,
Մեռնիմ գալած բեղերին,
Միջեն խնկահոտ կուգա:
Ելնինք էրիշտի վըրեն,
Զարգենք էրիշտի ղայդեն:
2. Տանը բոլորը ցել է,
Տունը վարդով լցվել է,
Տղեն ըսավ. – Յար չունիմ:
Աղջիկ դարդով լցվել է:
Ելնինք էրիշտի վըրեն,
Զարգենք էրիշտի ղայդեն:
Պարում են «Էրիշտա ծեծելու պար»
Հալել եմ եղը
Հալել եմ եղը, յար ջան,
Հալել եմ եղը,
Լըցրել եմ կճուճները,
Դրել եմ տեղը:
Ծաղկեվանք ձորա միջին,
Հալել եմ եղը,
Ա՜խ, կորա ձորա միջին,
Հալել եմ եղը,
Ծաղկեվանք ուխտ եմ արե,
Հալել եմ եղը,
Թաց մազըս ջուխտ եմ արե,
Հալել եմ եղը:
Հալել եմ եղը, յար ջան,
Հալել եմ եղը,
Լըցրել եմ կճուճները,
Դրել եմ տեղը:
Բաղը քաղինք
Բաղը քաղինք, խաղողը տարանք,
Չարազը, չարազը,
Ճառթեք, տըղներ, մաճառ խըմենք,
Ավազը, ավազը:
Խաղողը ճառթենք, կարմիր շիրան
Չըռչըռա, չըռչըռա,
Լըցնենք կարասն, էփի, թափի,
Վըռվըռա, վըռվըռա:
Դե՛. Ճառթի, հա, դե՛. Ճառթի, հա,
Կըրընկի, կըրընկի,
Չըփչըփացրու, փըռռա, խաղա
Տըրընգի, տըրընգի:
Պարում են «Բուլուլ» աշխատանքային պարը
