«Ուսումնական ժամերգություն» նախագիծ
Նպատակ
- ազգային հոգևոր մշակույթի յուրացում,
- հոգևոր երգերի, տաղերի, շարականների տարածում:
Խնդիրներ
- հոգևոր արարողակարգերի ուսումնասիրություն, Սուրբ Պատարագից, այլ աղբյուրներից՝ հոգևոր երգերի, շարականների, տաղերի ընտրություն,
- կրթահամալիրի բոլոր օղակներում հոգևոր երգերի, շարականների, տաղերի ուսուցում, կատարում,
- առավոտյան ընդհանուր պարապմունքներին՝ ուսուցում, կատարում,
- ամեն ուրբաթ նախօրոք ընտրած եկեղեցում 9.00 — 9.15 կրթահամալիրի բոլոր դպրոցների ուսումնական երգչախմբերից կազմված կրթահամալիրյան երգչախմբի կատարմամբ առավոտյան ժամերգություն
Աշխատանքի կազմակերպման ձևը
Անհատական և խմբային:
Մասնակիցների կազմը
Կրտսեր, միջին, ավագ դպրոցների, Քոլեջի սովորողներ, դասավանդողներ, վերապատրաստվողներ:
Ընթացք
- ուսումնասիրել հոգևոր ծիսական արարողակարգերը,
- կատարել համապատասխան հոգևոր երգերի, շարականների, տաղերի ընտրություն,
- կրտսեր, միջին, ավագ դպրոցների, Քոլեջի սովորողներին, դասավանդողներին, վերապատրաստվողներին ուսուցանել հոգևոր երգեր, շարականներ, տաղեր
- առավոտյան ընդհանուր պարապմունքների, մեդիաուրբաթների, ուսումնական ճամփորդությունների, կրթամշակութային ծրագրերի փոխանակման ընթացքում կատարել, ամրապնդել, տարածել, հոգևոր երգերը, շարականները, տաղերը
Սովորողը
- կիմանա հոգևոր երգեր, շարականներ, տաղեր
- կկարողանա կատարել, տարածել
- կլինի հոգևոր մշակույթը կրող, փոխանցող:
Արդյունք
Ուսումնական փաթեթներ՝ տեսագրություններ, ձայնագրություններ:
Հոգևոր երգեր, շարականներ «Սեբաստացիներ» մանկական երգչախմբի կատարմամբ
Մարինե Մկրտչյան 