«Ուսումնական նյութերի ձայնագրություն» նախագիծ
Թեման
Ազգային (ծիսական), Կոմիտասի գրառած, կրթահամալիրի երաժշտության ծրագրային երգերի, մանկական թռնոցիների, մանկախաղացների կատարում, ձայնագրում
Կատարողներ
«Սեբաստացիներ» մանկական երգչախումբ, «Սեբաստացիներ» վոկալ համույթ — լաբորատորիա, նշված խմբերի, ինչպես նաև՝ այլ մենակատարներ
Աշխատանքների ծավալը և ժամանակացույցը
Նախագիծն իրականացվում է տարվա ընթացքում՝ սկսած օգոստոսից, ամփոփվում է ուսումնական տարվա վերջում՝ ձայնագրված նյութերի փաթեթներով: Ծավալը կախված է ինչպես առկա, այնպես էլ հետազոտական աշխատանքի արդյունքում հայտնաբերած նյութերի քանակից:
Նպատակ
Երաժշտական ճաշակի զարգացումն ապահովող նյութերի համալրում ձայնադարանում
Խնդիրներ
- ըստ թեմաների՝ ունկնդրվող և կատարվող ուսումնական երաժշտական ստեղծագործությունների ընտրություն
- ձայնագրման ստուդիայի հետ ձայնագրման ժամանակացույցի կազմում
- մասնագիտական աշխատանք կատարողների հետ
Ընթացքը
Առանձնացվում է ձայնագրման համար նախատեսված երաժշտական նյութը, որին գումարվում են տարվա ընթացքում կատարված հետազոտական աշխատանքի արդյունքում հավաքած նյութերը: Կատարվում է մասնագիտական աշխատանք կատարողների հետ, որից հետո ձայնագրվում կրթահամալիրի ձայնագրման ստուդիայում (Կարեն Խաչատրյան): Նախկին ձայնագրություններից ևս իրականացվում է համապատասխան որակի կատարումների ընտրություն: Կրթահամալիրի լոգոյով (հեղինակ` Կարինե Մացակյան) ստեղծվում են տեսաֆիլմեր և տարածվում համացանցով (յութուբ, ֆեյսբուք, այլ հարթակներ): Տարածման այս դաշտը թույլ կտա երգերի ունկնդրման կազմակերպումը դարձնել էլ ավելի արդյունավետ՝ ներկայացնելով կրթահամալիրի ազգային բովանդակությունը:
Նախագծեր, որոնց իրականացման արդյունքում հավաքվել են ուսումնական նյութերի փաթեթներ.
«Կոմիտասի գրառած երգերի կատարում, ձայնագրում»
Մարինե Մկրտչյան 