«Պարապմունք — համերգ» , «Սուրբ Ծննդյան «Ավետիս»-ներ, ամանորյա խաղեր» նախագծերով՝ Սուրբ Ծննդյան տնայց, չարխափան — խաղ, ընկուզախաղեր
Ժամանակացույց՝ 17.01.2022, ժամը՝ 12.00
Վայրը՝ Արևելյան դպրոց
Մասնակիցներ՝ Քոլեջի, Արևելյան դպրոցի 2-րդ դասարանի սովորողներ
Պատասխանատուներ՝ Մարինե Մկրտչյան, Սիդոնյա Վիրաբյան
Ծրագրում
Ընթացքը
Մասնակիցները նախօրոք սովորում են Սուրբ Ծննդյան «Ավետիս»-ներ: «Տնայց» իրականացնողներն իրենց հետ վերցնում են չարխափաններ, ընկույզներով պատրաստած բարեմաղթանքներ, զանգակներ, շրխկացող, ծլնգացող իրեր, գործիքներ: Ապա Սուրբ Ծննդյան Ավետիս երգելով շարժվում են Արևելյան դպրոցի ուսումնական ազգագրական ճամբարի որևէ խումբ՝ երթն ուղեկցելով ծլնգոցով, շրխկոցով, զնգոցով: Գովքից հետո կատարվում է հյուրասիրություն տանտերերի կողմից, միմյանց հղում են օրհնանքներ, բարեմաղթանքներ և բաժանվում:
Տնայցից հետո խաղում են ընկուզախաղեր.
Ընկուզախաղերի համար հարկավոր է ունենալ ընկույզներ, չարխափան, ինչպես նաև՝ թելից կախված ընկույզներ:
- Չարխափանով չիք են անում այն ամենը, ինչը կուզենային, որ չլիներ (ծուլություն, անտարբերություն, խաբարբզիկություն, աղբ, իրար նեղացնելը, և այլն):
- գծագրում ենք պատկերներ, որոնց պատրաստման համար օգտագործվում են ընկույզ, պնդուկ, նուշ, ծիրանի կորիզ, օղակաձև կտրատված փայտի կտորներ
- թելից կախված ընկույզներով խաղեր
- խաղեր ընկույզներով
- ուրախ շրխկոցներ՝ ընկույզներով
Քոլեջի ուսանողներն ամբողջ ընթացքում օգնում են իրենց կրտսեր ընկերներին:
Մարինե Մկրտչյան 