Դեկտեմբերի 16-ին Մայր Աթոռ Սուրբ Էջմիածնի Գևորգյան ճեմարանում կրթահամալիրը ներկայացավ իր երաժշտական ծրագրով, որտեղ իր մասնակցությունն ունեցան «Սեբաստացիներ» մանկական երգչախումբը և «Սեբաստացիներ» դասավանդողների վոկալ համույթը: Վոկալ համույթն այս անգամ, բացի ազգային երգի մշակված նյութից, ներկայացրեց իր մենակատարներին՝ Կոմիտասի գրառած, մինչ այժմ դեռ չկատարված երգերի կատարմամբ: