Նախագիծ «Կոմիտասյան օրեր»
07.10, ժամը 12.30 – 14.30 — Հարավային դպրոցի 3-1, 3-2 և 5-րդ դասարանների սովորողներ. քայլարշավ Արգավանդի Սուրբ Սարգիս եկեղեցի
Կոմիտասյան հոգևոր, աշխարհիկ, մանկական երգեր Արգավանդի Սուրբ Սարգիս եկեղեցում, եկեղեցու բակում
Թեման
Կոմիտաս, կոմիտասյան օրեր
Մասնակիցների, սովորողների տարիքային խումբը
3-րդ և 5-րդ դասարանների սովորողներ
Աշխատանքի ժամանակացույցը
07.10.2016, 12.30 – 14.00
Նախագծի նպատակը
- Կոմիտասյան երգերի տարածում,
- սովորողների երաժշտական կրթում:
Խնդիրները
- Կոմիտասի երգերի ուսուցում, կատարում,
- հոգևոր երգերի ուսուցում, կատարում,
- ազգային, հոգևոր նյութի յուրացում,
- երգի ուսուցման և կատարման միջոցով
— երաժշտական ունակությունների զարգացում,
— երգի կատարողական գրագիտության և կուլտուրայի մշակում,
— երգի կերպարային զգացողություն,
— երաժշտական ճաշակի ձևավորում:
Ընթացք
Սովորողների հետ տարվող աշխատանք
- 3-5-րդ դասարանների սովորողների ուսուցման և կատարման համար նախատեսված ստեղծագործությունների ընտրություն,
- Կոմիտասի ստեղծագործությունների ունկնդրում,
- մայրենիի ինտեգրում՝ տպավորություն, կարծիք, պատում և այլն:
Հետազոտական աշխատանք
Սովորողները ինքնուրույն կամ մեծերի օգնությամբ տեսագրում, ձայնագրում են իրենց շրջապատի Կոմիտասի ստեղծագործություններն իմացող, կատարող անձանց: Աշխատանքի կատարման արդյունքում պարզում են՝ ինչքանով են Կոմիտասի ստեղծագործություններն հայտնի, ճի՞շտ են կատարվում, իրենց շրջապատող մարդիկ գիտե՞ն Կոմիտասի դերն ու արժեքը:
Կատարման համար երգեր
- Փայտե ձիուկ
- Արև, արև, եկ, եկ
- Եղնիկ
- Կաքավիկ
- Քելե, քելե
- Գնացեք, տեսեք
- Սար, սար
- Կոտ ու կես
- Հայր մեր (Կոմիտասի մանկական տարբերակ)
- Քրիստոս ի մեջ
- Առավոտ լուսո
- Տերունական աղոթք
- Փափուռի
- Մանդրիկ թփիկ ռեհան
- Կռունկ ջան, արի, արի
Արդյունքները
Սովորողը կիմանա
- Կոմիտասի ստեղծած, գրի առած և մշակած հայկական ժողովրդական երգերը,
- Կոմիտասի ստեղծագործությունները՝ վոկալ, դաշնամուրի համար գրված, խմբերգերը,
- Կոմիտասի անվան լարային քառյակի կատարմամբ Կոմիտասի ստեղծագործությունները:
Սովորողը կլինի
- Կոմիտասի երգերը իմացող, փոխանցող, տարածող:
Սովորողը կկարողանա
- երգել մաքուր ինտոնացիայով, վոկալ ճիշտ շնչառությամբ,
Սովորողների ներկայացում կայքում, բլոգում
Սովորողները ենթակայքում, բլոգում կներկայացնեն իրենց տպավորությունները Կոմիտասի, ճամփորդության մասին:
Կրթահամալիրի կայքում կներկայացվի տեսաֆիլմ:
Մարինե Մկրտչյան 