Նախագիծ. «Բարեկենդանի ծեսը կրտսեր դպրոցում, քոլեջում»
Նպատակ
Ազգային ծիսական ավանդույթների փոխանցում:
Խնդիր
- ազգային ծիսական երգերի, խաղերգերի ընտրություն,
- ծիսական խաղերի ուսուցում,
- ազգային պարային երաժշտության ուղեկցությամբ կատակ խաղ-պարերի կատարում,
- Բարեկենդանի ներկայացում, ներկայացման երաժշտական ձևավորում:
Տարիքային խումբ, մասնակիցներ
Կրթահամալիրի կրտսեր դպրոցների, քոլեջի սովորողներ, 5-6 տարեկաններ:
Աշխատանքի ժամանակացույց
Փետրվարի 1 — մարտի 30
Ընթացք
Ուսումնասիրել Բարեկենդանի ծեսը, առանձնացնել այն ծիսական գործողությունները, խաղերը, որոնք իրագործվելու են: Ընտրել և ուսուցանել Բարեկենդանի ծեսին հատուկ ծիսական երգեր: Բարեկենդանի ներկայացման համար միասին ընտրել ազգային, ծիսական երգեր, պարեղանակներ, պարերգեր, խաղերգեր՝ կատարելով երաժշտական ձևավորում: Խաղալ ազգային ծիսական խաղեր, որոնք կարող են ուղեկցվել ազգային պարեղանակներով: Համապատասխան երաժշտության ուղեկցությամբ բեմականացնել կատակ-պարեր՝ օգտագործելով ինչպես պարային, այնպես էլ բեմականացված էլեմենտներ, թաշկինակներ, ձեռագործ ծիսական տիկնիկներ:
Արդյունք
Սովորողները
- կիմանան՝ որն է ազգային ծեսը,
- կկարողանան կատարել ծիսական երգեր, պարեր, խաղերգեր, պարերգեր, ծիսական գործողություններ, պատրաստել ծիսական պարագաներ, բեմադրել ծեսին համապատասխան ներկայացում,
- կլինեն ազգային մշակույթը կրող, փոխանցող:
Լավագույն խաղերը, ներկայացումները կնկարահանվեն կրթահամալիրի TV-ի նկարահանող խմբի կողմից՝ որպես տեսադասեր:
P.S. Ներկայացնում եմ Բարեկենդանի նյութեր
Տեսադաս. Բարեկենդանը «Մխիթար Սեբաստացի» կրթահամալիրում
Բարեկենդանը Հարավային դպրոցում
Մարինե Մկրտչյան 