Նախագիծ. «Կոմիտասի գրառած երգերի վերականգնում, կատարում»
Նպատակ
Ազգային երգի միջոցով նպաստել երաժշտական ճաշակի ձևավորմանը:
Խնդիրներ
- առկա երգացանկի հետ ծանոթացում
- առկա երգացանկից հատուկ երգերի ընտրություն
- վերլուծական և տեղեկատվական նյութի ներկայացում և տրամադրում
Մասնակիցներ
- նախագծի ղեկավար և համակարգող՝ Մարինե Մկրտչյան
- ազգային երգարվեստին հատուկ ձայնային տվյալներով, ազգային երգին հատուկ հնչերանգով, մտածողությամբ կատարողներ
Ընթացք
Կոմիտասի երկերի ժողովածուներից որոնել, գտնել, ընտրել Կոմիտասի կողմից գրառված, բայց չկատարված ժողովրդական երգերը: Դրանք վերականգնել (Կոմիտասի հատորների մեջ ազգային երգերի տեքստը հազվադեպ է ներկայացվում նոտաների հետ, վերականգնման համար հարկավոր է իմանալ ազգային երգի կառույցը, երգերի ստեղծման սկզբունքը), սովորել, յուրացնել, կատարել ազգային երգին հատուկ հնչերանգով, ազգային մտածողությամբ: Ներկայացնել (պրեզենտացիա) նախ Կրթահամալիրում, ապա՝ տարածել համերգային գործունեության, երգուսուցման և համացանցի միջոցով:
Ձայնագրություններն իրականացվում են Կրթահամալիրի ձայնագրման ստուդիայում, ղեկավար՝ Կարեն Խաչատրյան
Աշխատանքի ծավալը և ժամանակացույցը
Նախագիծը անընդհատ է և շարունակական։
Արդյունք
Ձայնագրված երգերը կկիրառվեն որպես ունկնդրման նյութեր՝ հարստացնելով ոչ միայն կրթահամալիրի Ձայնադարանը, այլև՝ Կոմիտասի արխիվը։
Մարինե Մկրտչյան 