«Հակաբացիլ Կոմիտաս — Թումանյան 150» նախագիծ
Թեմա
Կոմիտաս — Թումանյան ժառանգություն
Մասնակիցների, սովորողների տարիքային խումբը
Նախակրթարան, 5-6 տարեկանների խումբ, Քոլեջի սովորողներ
Աշխատանքների ծավալը և ժամանակացույցը
Նախագիծն իրականացվում է տարվա ընթացքում, ամփոփվում է ուսումնական տարվա վերջում՝ ընդհանուր կատարումներով, ներկայացված նախագծերով:
Աշխատանքների ընթացքը, նպատակը, խնդիրներն ու արդյունքները
Նախագծի նպատակը
- սաների, սովորողների երաժշտական կրթում,
- նրանց մոտ երաժշտական մշակույթի ձևավորում:
Խնդիրները
- սովորողներին, սաներին ներկայացնել Կոմիտասի թողած երաժշտական, Թումանյանի ստեղծագործությունների հիման վրա ստեղծված երաժշտական ժառանգությունը
- երաժշտության միջոցով հաղորդակից դարձնել ազգի մշակույթին, նպաստել դրա յուրացմանը
- երաժշտական մտածողության ձևավորում և զարգացում,
- հոգևոր զարգացում,
- ազգային, հոգևոր նյութի յուրացում,
- գեղարվեստական մտածողության ձևավորում և զարգացում,
- ընդհանուր զարգացման ապահովում,
- ստեղծագործական երևակայության զարգացում,
- երգի ուսուցման և կատարման միջոցով
— երաժշտական ունակությունների զարգացում,
— երգի կատարողական գրագիտության և կուլտուրայի մշակում,
— երգի կերպարային զգացողություն,
— ճաշակի ձևավորում:
Ընթացքը
Նյութի ընտրություն
- Կոմիտասի, Թումանյանի կյանքն ու գործունեությունը
- Կոմիտասի թողած երաժշտական, Թումանյանի ստեղծագործությունների հիման վրա ստեղծված երաժշտական ժառանգություն
- ուսուցման և կատարման համար նախատեսված ստեղծագործությունները՝ ինչպես ըստ տարիքային խմբերի, այնպես էլ ընդհանուր կատարման համար
Սովորողների հետ տարվող աշխատանք
- երգերի ուսուցում, կատարում,
- ունկնդրում,
- համապատասխան ուսումնական նյութերի ստեղծում՝ սովորողների համար, սովորողների կողմից (ցուցադրության համար նախատեսված նյութեր, տեսանյութ, ֆիլմ, կարաոկե, այլ նյութեր),
- մայրենիի ինտեգրում՝ տպավորություն, կարծիք, պատում և այլն:
Սովորողը կիմանա
- Կոմիտասի ստեղծած, գրի առած և մշակած հայկական ժողովրդական երգերը
- Թումանյանի ստեղծագործությունների հիման վրա ստեղծված երաժշտական ժառանգությունը
Սովորողը կլինի
- Կոմիտասի երգերը իմացող, փոխանցող, տարածող
- Թումանյանի ստեղծագործությունների հիման վրա ստեղծված երաժշտական ժառանգությունն իմացող, փոխանցող, տարածող
Սովորողը կկարողանա
- երգել մաքուր ինտոնացիայով, վոկալ ճիշտ շնչառությամբ,
- համացանցից (Կոմիտասի վիրտուալ թանգարան , Հայկական ազգային երաժշտական գանձարան , այլ կայքեր) և այլ աղբյուրներից ինքնուրույն գտնել անհրաժեշտ նյութեր:
Արդյունքներ
Ուսուցանված ստեղծագործությունները կատարվում են առավոտյան ընդհանուր պարապմունքներին, մեդիաուրբաթներին, դրանք կազմում են հակաբացիլ Կոմիտաս, Թումանյան նախագծերի, ազգային օպերայի լիբրետոյի բաղադրիչները:
Մարինե Մկրտչյան 