Նախագիծ «Սովորող – սովորեցնող» — 2
Նպատակ
Երաժշտական ճաշակի ձևավորում՝ ազգային մշակույթի միջոցով:
Խնդիրներ
- «Մխիթար Սեբաստացի» կրթահամալիրի ծրագրային երգերից երգացանկի ընտրություն,
- Քոլեջի մի խումբ ուսանողների հետ նախակրթարաններում երգերի ներկայացում,
- երգերի ուսուցում, կատարում:
Ընթացք
Ուսանողներն իրենց երաժշտության մասնագետի հետ ներկայացնում են նախագծով ընտրած երգերը: Նախակրթարանի երաժշտության դաստիարակը միանում է ուսուցման գործընթացին: Համատեղ ուսուցման արդյունքում սաները կարողանում են ճիշտ ընկալել երգերի ինչպես տեքստի, այնպես էլ՝ մեղեդու կառույցը, կատարել երգերի բնույթին համապատասխան, մաքուր ինտոնացիայով: Երգերի կատարումն ուղեկցվում է խաղով, շարժումներով, մնջախաղով, փոքրիկ բեմականացված տարբերակով, «բնական», շրխկան, հարվածային նվագարանների ռիթմիկ պատկերի ուղեկցությամբ: Երգերի կատարման հետ կարող է կատարվել նաև համապատասխան բանավոր տեքստ՝ բանաստեղծություն, խաղիկ, ասիկ, ասացվածք:
Արդյունք
- Քոլեջի ուսանողները կլինեն ծրագրային երգերը փոխանցող, տարածող,
- սաները կլինեն ազգային երգերն իմացող, կատարող, տարածող:
Մարինե Մկրտչյան 