Հակաբացիլ ծես. «Իսկական հարսանիք Ագարակում» ուսումնական նախագծով՝ «Հարսանեկան երգեր» նախագիծ
Նպատակ
Ազգային մշակույթի յուրացում ծեսերի, սովորույթների, ծիսական երգերի միջոցով:
Խնդիրներ
- հայկական ավանդական հարսանեկան ծեսի ուսումնասիրություն,
- հարսանեկան սովորույթների մասին տեղեկության հավաքագրում համացանցից, գրականությունից, ազգագրագետներից, այլ մարդկանցից,
- հարսանեկան ծիսական երգերի ընտրություն, ուսուցում, կատարում առավոտյան ընդհանուր պարապմունքներին, ինչպես նաև՝ առանձին խմբերով,
- հարսանեկան պարերգերի ընտրություն, ուսուցում, կատարում:
Աշխատանքի կազմակերպման ձևը
Անհատական և խմբային:
Մասնակիցների կազմը
Քոլեջի ուսանողներ, դասավանդողներ, միջին, ավագ, կրտսեր դպրոցների սովորողներ:
Ընթացք
Մասնակիցները ուսումնասիրում են հայկական ավանդական ծեսը: Երաժշտական կենտրոնը, մասնավորապես՝ «Սեբաստացիներ» վոկալ համույթ — լաբորատորիայի անդամները, հետազոտական աշխատանքի արդյունքում, ըստ ծիսական գործողությունների, ընտրում են երգեր, ինչպես նաև ծեսին համապատասխան պարերգեր, որոնք ուսուցանում են իրենց դասավանդած դպրոցներում՝ սովորողներին, դասավանդողներին: Անհատ և փոքր խմբով կատարման համար նախատեսված երգերը կատարում են «Սեբաստացիներ» վոկալ համույթի անդամները, այլ կատարողներ, որոնք ազգային երգը կարող են կատարել համապատասխան հնչերանգով (ոչ դասական երգեցողությամբ): Յուրաքանչյուր դպրոց, որոշակի ծիսական գործողությանը համապատասխան, կներկայացնի 2 — 3 ծիսական երգ, պարերգ:
Արդյունքների ծավալը և ժամանակացույցը
Հունվարի 8 — 26: Բայց, աշխատանքը անընդհատ է և շարունակական: Փուլ առ փուլ կներկայացվեն ստացված արդյունքները՝ տեսագրություն, ձայնագրություն:
Հարսանյաց ծես — տեղեկություններ տարբեր աղբյուրներից
Մարինե Մկրտչյան 