Նախագիծ՝ «Աստվածածնի Վերափոխման տոն կամ Խաղողօրհնեք»
Խաղողօրհնեք «Մխիթար Սեբաստացի» կրթահամալիրում նախագիծ
Վայր՝ Քոլեջ, Սարալանջ — Սասնալանջ
Օր՝ 15.08.2021, ժամ՝ 08.30
Մասնակիցներ
Կրթահամալիրի դպրոցների դասավանդողներ, սովորողներ, դաստիարակներ, ճամբարականներ, հյուրեր
Պատասխանատուներ
Քոլեջի Խաղողի և գինու ուսկենտրոնի ղեկավար՝ Արտակ Ռշտունի, Քոլեջի ծրագրի ղեկավար՝ Տաթև Բլեյան, երաժշտության դասավանդողներ
Օգոստոսի 15-ին, ժամը 08.30 — ծեսի մասնակիցները հավաքվում են Քոլեջում և շարժվում դեպի Սարալանջ — Սասնալանջի խաղողի այգի, որտեղ կատարվում է խաղողաքաղ — խաղողածես:
Ժամը 09.15 — շարժվում են դեպի Սուրբ Երրորդություն եկեղեցի՝ քաղած բերքը եկեղեցում մասնակից դարձնելու Ս. Աստվածածնի Վերափոխման տոնի (Խաղողօրհնեք) ծիսական օրհնության:
Ծրագրում
«Երկնքի լույս Թուխ – մանուկներեն ցողված են այս մեր այգիների ողկույզները: Աստված օրհնեց մեր այգիները Նոյի տապանով, Մովսեսի տապանակով, Քրիստոսի Սուրբ Խաչով, Աստվածածնի արցունքով, Լուսավորչի լույս հավատով, Հաց ու գինի, Տեր կենդանի: Մեր այգիներն էլ միշտ պիտի առատ լինեն, ողկույզները՝ միշտ անսպառ»:
Օրհնված խաղողից այնուհետև ողկույզներ են տարվում դրվում լուսաղբյուրների և խաչքարերի վրա, «որպեսզի թռչնակներն էլ անմասն չմնան երկրի այս բարեբերությունից»:
— էս մի ճութը հողի պաշտպան հրեշտակին,
— Էս մի ճութը թռչուններին,
— Էս մի ճութը մուկ—մորեխին,
— Էս մի ճութը որբին ու աղքատին,
— Էս մի ճութը անցորդին,
— էս մի ճութն էլ Արեգակին, Լուսնյակին, Լուսաստղին…
Նույն օրհնված խաղողն է նաև, որ օրհնված գինի պիտի դառնա, և նույն խաղողից է, որ մարդիկ պահում են մինչև հաջորդ տարվա խաղողօրհնեք՝ որպես լիառատության ապահովման նշան:
- Ծիսական պար
Ծիսական «Աստվածածնա պար» ( Աստվածածնա պար, ազգային պարեր )
- Ծիսական, ազգային երգեր
«Բաղը քաղինք», «Քաղենք խաղողը» , «Իմ յարն իջավ ի էգին», «Տո լաո» — Խաղողօրհնեքի ծիսական երգերի կատարում
- Ազգային խաղեր
Հայ ժողովրդական ազգային, բակային, մանկական, ծիսական խաղեր — տեսաֆիլմեր
Մարինե Մկրտչյան 